విశాఖపట్నం: బుల్లితెరపై అలరిస్తున్న ఎంటర్టైన్మెంట్ షోలలో ‘శ్రీదేవి డ్రామా కంపెనీ’ ఒకటి. ఈ ప్రోగ్రాం మొదలైనప్పటి నుండి తెలుగు ప్రేక్షకుల చేత మంచి ఆదరణ దక్కించుకుంటోంది. అయితే సుధీర్ హోస్ట్ గా మొదలైన ఈ షోకి కొన్ని వారాలుగా రష్మీ గౌతమ్ యాంకరింగ్ చేస్తోంది.
ఇక మొన్నటివరకూ శ్రీదేవి డ్రామా కంపెనీ జడ్జిగా హీరోయిన్ పూర్ణ, నటి ఇంద్రజ సందడి చేశారు. ఈ వారం జడ్జిగా నటి ఆమని సందడి చేయనుంది. తాజాగా ఈ షోకి సంబంధించి కొత్త ప్రోమో రిలీజ్ చేశారు నిర్వాహకులు. ప్రోమో మొదటి నుండి చివరివరకు చాలా ఎనర్జిటిక్ గా సాగింది. మధ్యలో హైపర్ ఆది, ఆటో రాంప్రసాద్, బుల్లెట్ భాస్కర్ ల కామెడీ బాగుంది. మధ్యలో శ్రీకాకుళం ఫోక్ సాంగ్స్, తెలంగాణ జానపద పాటలు కూడా అలరించాయి. అయితే వీటన్నిటికీ మించి ఓ లేడీ డ్యాన్స్ పెర్ఫార్మన్స్ ఒక్కసారిగా అందరినీ అవాక్కయ్యేలా చేసింది. మాంచి ఊపున్న ఫోక్ సాంగ్ కి టీమ్ పెర్ఫార్మన్స్ ఇచ్చింది గాజువాక పట్టణానికి చెందిన బస్ కండక్టర్. ఆమె చేసిన మాస్ డ్యాన్స్ కి అందరూ ఇంప్రెస్ అయిపోయారు. ఆ తర్వాత జడ్జి ఆమనితో పాటు యాంకర్ రష్మీ, హైపర్ ఆది, చంటి, రాంప్రసాద్ ఇలా స్టేజిపై ఉన్నటువంటి జెన్స్ అందరితో స్టెప్పులేసి అదరగొట్టింది ఆ లేడీ కండక్టర్. ఇదిలా ఉండగా ఆమె పేరు ఝాన్సీ అన్నట్లు సమాచారం.
